«Կորոնավիրուսի համավարակն աշխարհում որոշակի ձևափոխումներ արեց, որոնց հետեւանքով այսօր Հայաստանն ապրում է ծանրագույն տնտեսական ճգնաժամ, որի ընթացքում պետք է հաշվի առնել շատ կարևոր բան՝ վարկերի տրամադրման, սպասարկման պայմանները չեն համապատասխանում իրական պատկերին»,-«Բարգավաճ Հայաստանի» նախաձեռնած՝ «Վարկերի եւ ժամկետանց այլ պարտավորությունների նկատմամբ տույժերի, տուգանքների եւ վարկային տոկոսադրույքների կիրառման, դրանց համաներման եւ այլ վարկային հիմնախնդիրները ՀՀ բանկային համակարգում» թեմայով խորհրդարանական լսումների ժամանակ այսօր հայտարարեց խմբակցության քարտուղար Արման Աբովյանը:
«Մինչև տնտեսական ճգնաժամը քաղաքացիներն ունեին աշխատանք, ապագայի որոշակի տեսլական, սակայն հիմա այնպես է ստացվել, որ բազմաթիվ քաղաքացիներ զրկվել են աշխատանքից, կանգնել են ֆինանսական խնդիրների առաջ»,-նշեց Արման Աբովյանը:
Նրա խոսքով՝ խմբակցությունը գտնում է, որ նման պայմաններում անհրաժեշտ է վարկերի համաներման համակարգ ներդնել, պետությունն էլ պետք է սուբսիդավորում կիրառի:
Կարդացեք նաև
Լուիզա ՍՈՒՔԻԱՍՅԱՆ
