Սեւանա լճի «Գեղամա» լողափում կորոնավիրուսի հակահամաճարակային անվտանգության բոլոր կանոնները պահպանելով կայացել է ուժային եռամարտի (պաուերլիֆթինգ) Հայաստանի առաջնությունը, որին մասնակցել են հանրապետության բոլոր մարզերի մեծահասակ, երիտասարդ, կին եւ հաշմանդամություն ունեցող 120 մարզիկներ:
Երկու օր տեւած պայքարում որոշվել են տարիքային խմբերի եւ քաշային կարգերի հաղթողներն ու մրցանակակիրները: Թիմային պայքարում հաղթել է Գեղարքունիքի մարզը, եռյակում են նաեւ Լոռու եւ Արագածոտնի մարզերը, իսկ առաջնության բացարձակ հաղթող դարձել են. երիտասարդներ. Ջոնիկ Եսայանը՝ 135 կգ արդյունք, ՀՀ ռեկորդ, մեծահասակներ. Արտյոմ Սոլոյանը՝ 180 կգ արդյունք, ՀՀ ռեկորդ, հաշմանդամություն ունեցողներ. Գեւորգ Աֆրիկյանը՝ 92,5 կգ արդյունք, ՀՀ ռեկորդ:
ՀՀ պաուերլիֆթինգի ֆեդերացիայի նախագահ, ՀՀ վաստակավոր մարզիչ Գագիկ Սարոյանը Aravot.am-ին ասաց, որ բոլոր հաղթանակները եւ ռեկորդները նվիրում են Հայաստանի անկախության օրվան:
Կարդացեք նաև
Աշոտ ՀԱԿՈԲՅԱՆ
