Մամուլում լուրեր էին հրապարակվել, թե «Իմ քայլը» խմբակցության պատգամավոր Համազասպ Դանիելյանն այն պատգամավորներից է, որն ուզում է մանդատը վայր դնել, քանի որ ՍԴ դատավորների ընտրության հարցում անհամաձայնություն է ունեցել:
Այսօր ԱԺ-ում լրագրողների հետ զրույցում այս առնչությամբ նա ասաց. «Իմ քայլը» խմբակցությունը այն խմբակցությունն է, որտեղ բոլոր հարցերի շուրջ բանավեճ ծավալվում է: Բացառություն չի եղել ՍԴ դատավորների թե՛ սկզբունքների մակարդակում, թե՛ կոնկրետ թեկնածուների մակարդակում, հանրությունը առիթ է ունեցել հետեւել: Այս մասը ճիշտ է, նորմալ է, հարիր է ժողովրդավարական երկրին, երբ որ խոսքը գնում է իշխող մեծամասնության մասին: Մանդատ դնելու մասը դա չգիտեմ որ լրագրողի, ԶԼՄ-ի հորինվածքն է եւ ես շատ պարզ գիտեմ, թե երբ ու որ պարագայում պատրաստ կլինեմ հետ կանգնել այն հանձնառությունից, որ ստանձնել եմ ու այդ պահը չի եկել»:
Հռիփսիմե ՋԵԲԵՋՅԱՆ
