Վաշինգտոնի քաղաքապետ Մյուրիել Բաուզերը սեպտեմբերի 21֊ը Վաշինգտոնում հռչակել է որպես «Հայաստանի Անկախության օր», այս մասին տեղեկացնում է ՀՀ ԱԳՆ մամլո խոսնակ Աննա Նաղդալյանը:
Հռչակագիր
Սեպտեմբեր 21, 2020
Կարդացեք նաև
Հաշվի առնելով, որ այսօր, Հայաստանի Հանրապետությունը նշում է Անկախության օրը և այս տարին նաև նշանավորվում է Միացյալ Նահանգների և Հայաստանի միջև դիվանագիտական հարաբերությունների հաստատման 100-ամյակը, և
հաշվի առնելով, որ Միացյալ Նահանգները Հայաստանի հետ ունի համաձայնագրեր, որոնք առնչվում են առևտրային ներդրումներին, ամրապնդում ժողովրդավարական հաստատությունները և խթանում կայուն և ներառական տնտեսական աճը, և
հաշվի առնելով, որ Հայաստանի Հանրապետության դեսպանությունը տեղակայված է Վաշինգտոնում և աջակցում է մշակութային բազմազանությանն ու Վաշինգտոնի հանրային դպրոցների Դեսպանընկալության ծրագրի միջոցով մեր ուսանողների կրթական հարստացմանը, և
հաշվի առնելով, որ Հայաստանի Հանրապետությունը շարունակում է ամրապնդել մեր երկու երկրների միջև գործընկերությունը՝ հարաբերություններն առավել զարգացնելու և բարի կամք հաստատելու համար,
շնորհավորում եմ Հայաստանի դեսպանությանն Անկախության տոնի տոնակատարության առթիվ և ակնկալում Ձեր շարունակական համագործակցությունը Վաշինգտոնի հետ։
Այսպիսով, ես՝ Վաշինգտոնի քաղաքապետս, 2020թ. սեպտեմբերի 21-ը Վաշինգտոնում հայտարարում եմ որպես «ՀԱՅԱՍՏԱՆԻ ԱՆԿԱԽՈՒԹՅԱՆ ՕՐ»:
Վաշինգտոնի քաղաքապետ Մյուրիել Բաուզերը սեպտեմբերի 21֊ը Վաշինգտոնում հռչակել է որպես «Հայաստանի Անկախության...
Posted by Anna A. Naghdalyan on 2020 թ. սեպտեմբերի 21, երկուշաբթի
