«29 տարվա մեջ ունեցանք և՛ մեծ հաղթանակներ, և՛ դժվարություններ, և՛ պարտվեցինք։ Կարծեմ՝ բոլոր լավ և վատ դասերը սովորել ենք։ Եվ ժամանակն է նորից երազենք, որ ապագա 30 տարում կառուցենք իրական, ամուր, հզոր պետություն»,- սեպտեմբերի 21-ին Եռաբլուրում լրագրողների հետ զրույցում ասաց Հայաստանի Հանրապետության նախագահ Արմեն Սարգսյանը։
Հարցին, թե արդյոք Հայաստանը իսկապես անկա՞խ է, նա պատասխանեց․ «Հավատացեք ձեր ուժերին։ Աշխարհում որևէ մեկը չկա, որ ձեզ, ինձ, մյուսներին կարողանա կառավարել, եթե մենք ուժեղ ենք։ Եթե ձեզ թվում է, 29 տարի առաջ բոլորս սպասում էինք, որ Հայաստանը անկախ լինի, սխալվում եք։ Մենք բոլորով՝ հայերով, հավատացինք և ստացանք այն, ինչ ուզում ենք։ Եթե այսօր էլ հավատանք, կարգապահ լինենք, կազմակերպված լինենք, հստակ նպատակ և ծրագիր ունենանք, ապա կհասնենք դրան»։
Ամի ՉԻՉԱԿՅԱՆ
