Սահմանադրական դատարանի ֆեյսբուքյան էջից տեղեկանում ենք. «Ս.թ. սեպտեմբերի 18-ին Ազգային ժողովի լիագումար նիստի ժամանակ տեղի է ունեցել Երվանդ Խունդկարյանի երդման արարողությունը և համաձայն «Սահմանադրական դատարանի մասին» ՀՀ սահմանադրական օրենքի 5-րդ հոդվածի՝ երդում տալուց հետո նա անհապաղ ստանձնել է իր պաշտոնը:
Սահմանադրական դատարանի նորանշանակ դատավորին ներկայացնելով դատարանի աշխատակազմին՝ Սահմանադրական դատարանի նախագահի լիազորությունները ժամանակավորապես կատարող Աշոտ Խաչատրյանը մաղթեց նրան արդյունավետ պաշտոնավարում Սահմանադրական դատարանում՝ ի նպաստ իրավունքի գերակայության և սահմանադրականության ամրապնդման:
Հիշեցնենք, որ ս.թ. սեպտեմբերի 15-ին ՀՀ Ազգային ժողովի ԱԺՈ-007-Ա որոշմամբ Երվանդ Խունդկարյանը ընտրվել է Սահմանադրական դատարանի դատավոր»:
