ԲՀԿ առաջնորդ Գագիկ Ծառուկյանը կուսակցության ուսանողական խորհրդի գրասենյակի բացման առիթով ուսանողների եւ համակիրների հետ հանդիպման ժամանակ խոսել է հանրությանը մտահոգող խնդիրների մասին. «Ես միշտ ասել եմ, որ մեր ապագան երիտասարդությունը եւ ուսանողությունն են: Սրանք միայն խոսքեր չեն: Գործեր են պետք, որպեսզի երիտասարդը հիասթափված, կոտրված չլինի եւ առաջին դասարանից, որ հույսով, հավատով է գնացել, հասնի նպատակին, պիտանի մարդ դառնա իր երկրի, իր հայրենիքի համար, լավ ընտանիք կազմի:
Բոլորը գիտեն, որ ես օդի մեջ հայտարարություններ չեմ ուզում անել; Պետք է 2021 թվականի հունվարի 1-ից հերթագրել ընտանիք կազմող երիտասարդներին եւ արտոնություն, հնարավորություն տալ: Հատկապես համավարակի պայմաններում պետությունը պետք է վարձավճարները վճարելու հարցում ընդառաջի ուսանողներին»,- ասել է Գագիկ Ծառուկյանը եւ ընդգծել, որ ուսանողներից շատերի ծնողները ամիսներ շարունակ չեն աշխատել: Իսկ այսօր, երբ նրանցից վարձավճար են պահանջում, հայտնվել են փաստի առաջ: «Արտակարգ իրավիճակում, այս համաճարակի, այս ճգնաժամի պայմաններում ասում են՝, եթե չվճարես դուրս ես մնալու: Ծնողը, որ վեց ամիս չի աշխատել, մի կերպ հացի գումար է աշխատում, վարկ փակում, ինչպե՞ս կարող է մի բան էլ թանկացած ուսման վարձ վճարել: Թող պետությունը սուբսիդավորի. վեց ամիսը ծնողը վճարի, վեցն էլ՝ պետությունը:
Պատգամավորներ են խոսում, որ միայն կաբինետում են նստած: Կուզեմ, որ պատգամավորը դուրս գա, գնա վարչական շրջան, գյուղ, գյուղամեջում հավաքվածների հետ երեք բառ խոսի, հետաքրքրվի՝ ոնց է վիճակները»,- ասել է ԲՀԿ նախագահը:
Կարդացեք նաև
Աշոտ ՀԱԿՈԲՅԱՆ
