Սահմանադրական դատարանի ֆեյսբուքյան էջից տեղեկանում ենք. «Ս.թ. սեպտեմբերի 17-ին Սահմանադրական դատարանի նախագահի լիազորությունները ժամանակավորապես կատարող Աշոտ Խաչատրյանը Սահմանադրական դատարանի դատավորներին և աշխատակազմին ներկայացրեց դատարանի նորանշանակ դատավորներ Էդգար Շաթիրյանին և Արթուր Վաղարշյանին, որոնք ավելի վաղ երդում էին տվել ՀՀ Ազգային ժողովում:
Ողջունելով նորանշանակ դատավորներին և ներկայացնելով նրանց ՍԴ դատավորներին և աշխատակազմին՝ Ա. Խաչատրյանը մաղթեց նրանց հաջողություններ Սահմանադրական դատարանի դատավորի բարձր առաքելությունն իրականացնելիս և արդյունավետություն համատեղ աշխատանքում՝ ի նպաստ մեր երկրի Սահմանադրության գերակայության և սահմանադրական օրինականության:
Սահմանադրական դատարանի նորանշանակ դատավորները հանդես եկան ողջույնի կարճ խոսքով»:
Կարդացեք նաև
