«Խոսել եմ համահայկական հիմնադրամի հետ, մենք պատվիրել ենք թափանցիկ դիմակներ՝ լսողական խնդիրներ ունեցող երեխաների համար: Հարցն ընթացքի մեջ է, պետք է ստանանք դիմակները»,-կառավարություն-ազգային ժողով հարցուպատասխանի ժամանակ այսօր անդրադառնալով լսողական եւ այլ խնդիրներով աշակերտներին՝ ասաց ԿԳՄՍ նախարար Արայիկ Հարությունյանը: «Մինչեւ այդ գուցե դիմավահանների փորձը կիրառենք, մինչեւ կարողանանք հարցը լուծել»,-նշեց Արայիկ Հարությունյանը:
«Իմ քայլի» պատգամավոր Սոֆյա Հովսեփյանը բարձրաձայնել էր, որ լսողական խնդիրներով աշակերտների ծնողները մտահոգ են եւ խնդրի լուծմանն են սպասում: Նախարարն ասաց, որ հավելյալ կտեղեկացնի իրավիճակի մասին:
Լուիզա ՍՈՒՔԻԱՍՅԱՆ
