Վրաստանի տարածքում գործող բոլոր կոմերցիոն հաստատություններում զանգվածային ջերմաչափումներ կիրականացնեն։ Այս մասին հայտարարել է Վրաստանի կառավարության աշխատակազմի ղեկավար Նաթիա Մեզվրիշվիլին, փոխանցում է «Սպուտնիկ»-ը։
Ինտենսիվ ջերմային սքրինինգն արդեն սկսել են իրականացնել Բաթումիում, որտեղ դրա համար հատուկ կետեր կբացվեն։
«Բաթումիում իրականացվում է բնակչության զանգվածային ջերմաչափում։ Այսօր միջկառավարական խորհրդի նիստում որոշում է ընդունվել պարտադիր դարձնել ջերմային սքրինինգը քաղաք ելումուտ անողների համար։ Բոլոր նրանք, ում մոտ որ բարձր ջերմություն կլինի, կթեստավորվեն»,- ասել է Մեզվրիշվիլին։
Նա նաև հավելել է, որ չնայած կորոնավիրուսի դեպքերի կտրուկ աճին՝ արտակարգ դրություն կամ լիակատար կարանտին երկրում չի մտցվելու։
Կարդացեք նաև
Հիշեցնենք, որ վերջին մեկ օրվա ընթացքում Վրաստանում հաստատվել է կորոնավիրուսի 196 նոր դեպք, որոնցից 145-ը՝ Աջարիայում։
Պատրաստեց Վիկտորյա ԱՆԴՐԵԱՍՅԱՆԸ
