Ինչպես տեղեկացրել ենք, երեկ Գյումրու պատմական միջուկում՝ Շիրազի անվան փողոցի սկզբնամասում դիմակը պատշաճ չկրելու պատճառով վիճաբանություն, քաշքշուկ էր տեղի ունեցել ընտանիքի հետ զբոսանքի դուրս եկած մի երիտասարդի ու տարածքը հսկող ոստիկանների միջև։
Վիճաբանությանը խառնվել էին նաև անցորդները․ անկառավարելի իրավիճակ էր ստեղծվել՝ գոռգռոցներ, երեխայի լացուկոծ, ուշաթափություն, ոստիկանների մի մեծ խումբ ըմբոստացող երիտասարդին գետին էր պառկեցրել, բերման էին ենթարկել։
Համացանցում հայտնվել էր տեսանյութ, որտեղ երևում է այս ամենը, թեև ուղիղ եթեր մտնող քաղաքացիներ ևս եղել էին։
ՀՀ ոստիկանության լրատվության վարչության պետի տեղակալ Էդգար Ջանոյանն Aravot.am-ին տեղեկացրեց, որ նշանակված է ծառայողական քննություն։
Կարդացեք նաև
Նունե ԱՐԵՎՇԱՏՅԱՆ
Լուսանկարը՝ shantnews.am-ի
