«Իմ քայլը» խմբակցության ղեկավար Լիլիթ Մակունցն այսօր ԱԺ-ում լրագրողների հետ զրույցում Ծառուկյանի քրգործի հետ կապված հարցին ի պատասխան, թե ինչու հենց այս շրջանում, երբ ԲՀԿ-ն քննադատեց կառավարությանը, նման գործեր ի հայտ եկան՝ պատասխանեց. «Տեղյակ չեմ քրեական գործերից»: Ըստ նրա, այստեղ քաղաքական ենթատեքստ չկա, բայց պարզ է, որ ընդդիմադիրները դրան կտան քաղաքական ենթատեքստ:
Հարցին՝ ինչ Գագիկ Ծառուկյանին չկալանավորելու որոշում է եղել, նրա հետ պայմանավորվածություննե՞ր են եղել, որովհետեւ նա փոխել է շեշտադրումները՝ Մակունցը վստահեցրեց, որ ոչ, Ծառուկյանի հետ որեւէ պայմանավորվածություն, քննարկում չի եղել այդ թեմայով:
Կոռուպցիայի կանխարգելման հանձնաժողովն այս ընթացքում քննում է Գագիկ Ծառուկյանի՝ պատգամավորական պաշտոնում համատեղելիության հարցը՝ պարզելու, թե ձեռնարկատիրական գործունեությամբ նա չի՞զբաղվում այս ընթացքում, եթե պարզվի, որ զբաղվում է, արդեն ԱԺ-ում մանդատից զրկելու հարց կարող է դրվել: Այս առնչությամբ էլ Լիլիթ Մակունցը պատասխանեց, որ Կոռուպցիայի կանխարգելման հանձնաժողովն անկախ մարմին է, ու եթե արդարադատության նախարարության դիմումի հիման վրա է ուսումնասիրություններ սկսել, կարող են պարզաբանման համար դիմել ԱՆ-ին. «Երբ հարցը կգտնվի ԱԺ տիրույթում, այդ ժամանակ մենք կարձագանքենք»:
Մանրամասները՝ ավելի ուշ տեսանյութում:
Կարդացեք նաև
Հռիփսիմե ՋԵԲԵՋՅԱՆ
