«Լրագրողների եվրոպական դաշնությունն» ու «Լրագրողների միջազգային դաշնությունը» (IFJ և EFJ) միացել են Հայաստանի լրագրողների միությանը և կոչ են անում ՀՀ խորհրդարանին մերժել Ալեն Սիմոնյանի օրենսդրական առաջարկը, որով նախատեսվում է կրկնապատկել մեդիա և սոցիալական ցանցերում հրապարակված վիրավորանքի և զրպարտության համար նախատեսված տուգանքի չափը։ Այս մասին տեղեկացնում է Լրագրողների եվրոպական դաշնության պաշտոնական կայքը։
Նշենք, որ ԱԺ փոխխոսնակ Ալեն Սիմոնյանն առաջարկել էր փոփոխություններ կատարել քաղաքացիական օրենսգրքում և հնգապատկել ԶԼՄ-ներում և սոցիալական ցանցերում վիրավորանքի և հերյուրանքի համար նախատեսված տուգանքը՝ 1 մլն դրամից դարձնելով 5 մլն դրամ։
Լրագրողների եվրոպական դաշնությունը, մեջբերելով «Մեդիա Պաշտպան» նախաձեռնության ուսումնասիրությունը, նշում է, որ «զրպարտություն» և «վիրավորանք» բառերը ՀՀ օրենսդրությամբ հստակ սահմանված չեն և այդ անորոշ սահմանումը դուռ է բացում քաղաքական նկատառումներով չարաշահումների համար:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
