Տավուշի մարզկենտրոն Իջեւանում ժողովրդի հետ հանդիպման ժամանակ ԲՀԿ առաջնորդ Գագիկ Ծառուկյանը հայտարարեց. «Հարգելի ժողովուրդ, ես հիմա միտինգ չեմ անում: Անելու եմ շրջելուց, ժողովրդի հետ շփվելուց հետո: Ով, իրոք, խոսք ունի ասելու, իրոք. վիճակը ծանր է, պետք է հանրահավաքին մասնակցի: Հենց հիմա կառավարության դիմաց դժգոհում են տարբեր ոլորտներից: Ես ասել եմ 3-4 ամիս, բայց դեռ երկու ամիս է անցել: Փոխանակ հունիսի 5-ին ասածս քննարկեն, իրենց բացթողումներն ընդունեն, վերցնում՝ գործ են հարուցում: Սա է էականը: Որ կարողանան մարդու մատից փուշ հանել, ամեն բան էլ կարգավորվի: Բայց եթե ոլորտին չեն տիրապետում, ո՞նց կարող են դա անել:
Գագիկ Ծառուկյանը անդրադարձավ նաեւ ընդունելության քննությունների արդյունքների անարդար ամփոփումներին, հանրակրթական կրթությանն առնչվող խնդիրներին:
ԲՀԿ նախագահը նաեւ իջեւանցիներից տեղեկացավ, որ այս էլ արդեն երրորդ տարում նրանց կյանքում դրական փոփոխություն չի եղել, ընդհակառակը՝ ավելի է վատացել:
Աշոտ ՀԱԿՈԲՅԱՆ
Կարդացեք նաև
«Առավոտ». «Իմ քայլը» խմբակցության պատգամավոր Վահագն Թեւսյանը ՖԲ էջում գրել է. «Ուղիղ երեք ամիս առաջ Գագիկ Ծառուկյանը հայտարարեց, որ երկրում երեք ամսից սով է լինելու:
Ավելացում. Նոր տեղեկացա, որ Գագիկ Ծառուկյանը այսօր, թե երեկ Իջևանի ԲՀԿ ակտիվի հավաքի ժամանակ ասել է, որ այդ հայտարարությունն արել է երկու ամիս առաջ՝ հունիսի 5-ին:
Ավելացում 2. Մի քանի անգամ ստուգեցի. հունիսի 5-ը այնուամենայնիվ 3 ամիս առաջ էր»:
