Ինչպես արդեն տեղեկացրել ենք, ԱԺ «Իմ քայլը» խմբակցությունը նիստ է գումարել։
Այդ ընթացքում «Хотим в Россию» (Ուզում եմ Ռուսաստան գնալ) նախաձեռնության անդամները պաստառներով եկան «Քաղաքացիական պայմանագիր» կուսակցության գրասենյակ։
«Այդ հարցի լուծումը պետք է տա մեր կառավարությունը, մեր հարգարժան վարչապետը։ Մենք խնդրում ենք իրենից, թեկուզ այս 100, 200 հոգին է մի պիլոտային ճանապարհ ստեղծեն, մենք համաձայն ենք մեր ուժերով ավտոբուսի գումարը տանք, թո՛ղ այդ ավտոբուսը պլոմբեն, ոչ մի տեղ չկանգնի, մենք համաձայն ենք, և մեզ անցկացնեն Ռուսաստանի Դաշնություն։ Ինձ թվում է՝ դա մեր պետության համար մեկ վայրկյանի հարց է, որ ասեն՝ գիտեք ինչ այս 100 հոգին հրատապ է, խնդրում ենք հասցնել իրենց ընտանիքներին»,- ասաց նախաձեռնության անդամ Արթուր Ոսկանյանը։
Կարդացեք նաև
Անդրադառնալով արտաքին գործերի նախարար Զոհրաբ Մնացականյանի հետ հանդիպմանը, նա նշեց, որ նախարարը մի արտահայտություն է արել, որն իրենց դուր չի եկել․ «Նա մոտեցել է մի հասարակ քաղաքացու, մեզ ասել է՝ ի՞նչ է խոհանոցային խոսակցություն է, ինչի՞ մասին է խոսքը։
Ասում է՝ ես բացում եմ, դուք գնացեք։ Գիտե՞ք՝ ինչ մի կոպիտ օրինակ բերեմ, ես ուզում եմ մտնել հարևանի դուռ, բայց հարևանի դուռը փակ է, ինչպե՞ս մտնել։ Պետք է դուռը թակել, բանակցել, հասկանալ՝ հարևանը ընդունո՞ւմ է, թե՞ չէ։ Խնդիրն այնտեղ է, բանակցեք, այսպիսի խնդիր կա, մարդիկ օրհասական վիճակում են, տասնյակ տարիների բիզնես են կորցնում, երեխաները, ընտանիքները բաժանվում են, ինչի՞ մասին է խոսքը»։
Ամի ՉԻՉԱԿՅԱՆ
