Սեւանում ՀՀ երկրորդ նախագահ Ռոբերտ Քոչարյանի եւ «Հաղթանակած» նախաձեռնության երիտասարդների հետ հանդիպման ժամանակ Ռոբերտ Քոչարյանն ասել է՝ իր համար անընդունելի է, երբ պետական պաշտոնյան սոցիալական կայքի իր անձնական էջով է տարածում պաշտոնական հաղորդագրությունը: «Սա նշանակում է, որ այդ մարդիկ չեն հասկանում՝ ինչ է պետություն, ինչ է նշանակում պետական որոշում, պետական կառավարում»: Ռոբերտ Քոչարյանը վստահ է, որ սոցիալական կայքում անձնական կյանքն ու պետական կառավարումը իրար չպետք է խառնել:
Սեփական թոռների հետ զրույցներից Քոչարյանը եզրակացրել է, որ երեխաները կարոտել են դպրոցը եւ առաջարկում է գոնե շաբաթական մի քանի օր անմիջական շփմամբ դասեր կազմակերպել: Կորոնավիրուսը չպետք է պարանոյա դառնա հասարակության համար, պետք է հնարավորինս նվազագույնի հասցնել վնասը, բայց չպետք է դեֆորմանա մեր հոգեկան վիճակը, կյանքի բնականոն ընթացքը, ասել է Քոչարյանը:
Նելլի ԳՐԻԳՈՐՅԱՆ
