Վրաստանի նախկին նախագահ Միխեիլ Սաակաշվիլին հայտարարել է, որ հոկտեմբերի 31-ին կայանալիք Վրաստանի խորհրդարանական ընտրություններում ընդդիմության հաղթանակի դեպքում ինքը կստանձնի երկրի վարչապետի պաշտոնը։ «Ես ընդունել եմ վրացական միացյալ ընդդիմության՝ հաղթանակի դեպքում երկրի վարչապետ դառնալու առաջարկը»,- գրել է Սաակաշվիլին ֆեյսբուքյան էջում։
Նշելով, որ ինքն ուզում է օգնել իր ժողովրդին, Սաակաշվիլին համաձայնել է դառնալ անցումային շրջանի վարչապետ, մինչև երկրի վիճակը կայունանա։
«Ես համաձայն եմ լինել անցումային վարչապետ ոչ թե ամբողջ ժամկետով, այլ մինչև որ կարողանանք հաղթահարել խորը ճգնաժամը, որում հիմա գտնվում է Վրաստանը։ Ես դեռևս Ուկրաինայում եմ գտնվում և իրականացնում եմ Բարեփոխումների ազգային խորհրդի գործադիր կոմիտեի ղեկավարի իմ գործառույթները։ Ինձ համար Ուկրաինայի և Վրաստանի ճակատագրերն անբաժանելի են։ Ես չեմ ընտրում երկու երկրների միջև, իմ պայքարը շարունակվում է և՛ այնտեղ, և՛ այստեղ»,- գրել է Սաակաշվիլին։
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
