Մյուս շաբաթ դպրոցները բացելու են դռները, սկսվելու է ուսումնական տարին։ Ուսումնական հաստատություններն արդեն ստացել են համապատասխան շրջաբերականները, որոնցով կառաջնորդվեն նոր ուստարում:
Բուֆետների, ճաշարանների աշխատանքը արգելվում է։ Աշակերտները գրատախտակին չեն մոտենա, նվազագույնի է հասցվելու աշակերտ-ուսուցիչ շփումը, դպրոցներում աշխատանքային ծավալները կրկնապատկվելու են։
Այս ամենը ձեռնարկվել է երեխաների առողջությունն ապահովելու համար։ Սակայն ուսուցիչները, ծնողները ունեն մտավախություններ՝ երեխաների դպրոց հաճախելու, դասապրոցեսը կազմակերպելու առնչությամբ։ Այս պահին հանրապետության հանրակրթական դպրոցներում նախապատրաստական աշխատանքներ են տարվում։ Աշակերտների հեռավորությունն ապահովելու համար աթոռները դասավորվում են շախմատաձև։ Ուսուցիչները մեծ խնդիր են տեսնում դասամիջոցները դասարաններում անցկացնելու հետ կապված, ասում են՝ անհնար է երեխաներին 4 պատի մեջ պահել ժամեր շարունակ։ Ուսուցիչները չեն կարող միաժամանակ և՛ դաս վարել, և՛ հետևել, որ երեխաները դիմակները չհանեն։ Խոսքը հատկապես առաջին դասարանցիների և տարրական դպրոցի աշակերտների մասին է, որոնց վերահսկելն ու սահմանված պայմանները պարտադրելը շատ դժվար է լինելու։ ՈՒսուցիչները նկատում են, որ իրենց էլ շատ դժվար է դիմակով աշխատելը. երեխան չի տեսնում ուսուցչի դեմքի արտահայտությունը, և միմյանց հասկանալու դժվարություն է առաջանալու։ Նշվում է նաև, որ առավոտյան ջերմաչափումը հավելյալ կուտակումներ է առաջացնելու։
ՈՒսուցիչներն ու ծնողները հակված են առկա ուսուցման, քանի որ նախորդ ուսումնական տարվա փորձը ցույց տվեց, որ հեռավար ուսուցումը չի արդարացնում իրեն։ Սակայն նշում են նաև, որ առկա պայմաններում խիստ նվազում է ուսումնական պրոցեսի արդյունավետությունը։ Դժվարանում է ուսուցիչների գործը։
Կարդացեք նաև
Լիլիթ ԳԱԲՐԻԵԼՅԱՆ
Հոդվածն ամբողջությամբ՝ «Իրատես» թերթի այսօրվա համարում:
