Խորհրդարանն այսօր առաջին ընթերցմամբ ընդունեց ՀՀ-ում սեպտեմբերի 11-ից կարանտին սահմանելու մասին օրենսդրական փաթեթը: «Կողմ» էր քվեարկել 80, «դեմ»՝ 28 պատգամավոր:
«Լուսավոր Հայաստանն» ու «Բարգավաճ Հայաստանն» ավելի վաղ հայտարարել էին, որ այս տեսքով փաթեթին դեմ են:
Ինչպես հայտնել էինք, ազգային ժողովն այսօր արտահերթ նիստում քննարկեց կառավարության հեղինակած օրենսդրական փաթեթը, որով սահմանվում է՝ կորոնավիրուսի տարածումը կանխելու նպատակով սահմանված արտակարգ դրությունը սեպտեմբերի 11-ից այլեւս չի երկարաձգվելու, փոխարենը՝ առողջապահության նախարարության, մարզպետի, կառավարության եւ համայնքի ղեկավարի առաջարկով կարող է սահմանվել կարանտինի ռեժիմ՝ տեղաշարժի, ՀՀ ելքի/մուտքի արգելքի, հավաքների, միջոցառումների անցկացման սահմանափակումներով, մեկուսացման/ինքնամեկուսացման ցուցումներով:
Առաջիկայում սպասվում է փաթեթի երկրորդ եւ ամբողջական ընթերցմամբ քննարկումն ու քվեարկությունը:
Կարդացեք նաև
Լուիզա ՍՈՒՔԻԱՍՅԱՆ
