«Կադրային քաղաքականության հարցում մի հստակ մոտեցումը դժվար է պատկերացնել»,- լրագրողների հետ զրույցում ասաց վարչապետի աշխատակազմի ղեկավար Էդուարդ Աղաջանյանը։
Նա նշեց, որ վարչապետի հանձնարարությամբ ստեղծվել է կադրային բանկ, դիմել են հազարավոր քաղաքացիներ, սակայն իրենց ակնկալած մասնագիտական ցենզը չի բավարարվել․ «Ըստ այդմ, մասնագիտական առումով, ցավոք, պետք է նշեմ, որ չունենք այն պատկերը, որը որ կուզեինք ունենալ։ Մյուս կողմից՝ բնականաբար, քաղաքական հետագիծը, քաղաքական անցյալը ևս մեր որոշումների կայացման ընթացքում որոշ տեղ զբաղեցնում է, և բնականաբար, չի կարող լինել մի իրավիճակ, երբ ամբողջ պետական համակարգը զբաղեցված լինի միայն մասնագետներով, տեխնոկրատներով և քաղաքական զրո անցյալ ունեցող անձանցից։ Սա քաղաքականություն է, և քաղաքական գործընթացներ են, որոնք չեն կարող անմասն մնալ քաղաքական դեմքերից։ Հետևաբար՝ ես կարծում եմ, որ այս հարցում կա առողջ բալանս»։
Ամի ՉԻՉԱԿՅԱՆ
