«Չեմ կարող համաձայնել, որ Բելառուսում գունավոր հեղափոխություն է»,- «Սպուտնիկ» տեղեկատվական գործակալության կազմակերպած Մոսկվա-Մինսկ-Երևան-Բիշքեկ-Թբիլիսի տեսակամուրջի ընթացքում ասաց Բելառուսի Ազգային ժողովի Ներկայացուցիչների պալատի միջազգային հարցերի մշտական հանձնաժողովի անդամ Վալերի Վորոնեցկիյը։
Նրա կարծիքով՝ Բելառուսում բավականին սուր քաղաքական ճգնաժամ է, քանի որ հանրության զգալի հատվածը չի ընդունել նախագահական ընտրությունների պաշտոնական արդյունքները․ «Այստեղ այսօր շատ կարևոր է, որ իշխանության և քաղաքացիների մեջ երկխոսություն տեղի ունենա, խաղաղություն և համաձայնություն հաստատելուն ուղղված գործընթաց ընթանա։ Կարծում եմ, որ մեր քաղաքական էլիտան, իշխանությունը և հասարակությունը քաղաքական իմաստություն կունենա, որ կարողանան հաղթահարել այդ կոնֆլիկտը»։
Վալերի Վորոնեցկիյը նաև համաձայն չէ այն տեսակետին, որ Բելառուսի ցույցերը հակառուսական բնույթ ունեն․ «Չկա որևէ լուրջ հակառուսական վեկտոր»։
Ամի ՉԻՉԱԿՅԱՆ
