Հայաստանի հավաքականի կիսապաշտպան Հենրիխ Մխիթարյանը հիմնական պայմանագիր է կնքել «Ռոմա»-ի հետ: Այս մասին նա գրառում է կատարել Ֆեյսբուք սոցիալական ցանցում:
«Ուրախ եմ հայտարարել, որ մշտական պայմանագիր եմ կնքել «Ռոմայի» հետ։ Նախևառաջ ցանկանում եմ շնորհակալություն հայտնել «Արսենալին», ակումբի միլիոնավոր երկրպագուներին, որոնք աջակցել են ինձ վերջին մեկուկես տարում։ Առանձնահատուկ շնորհակալություն Արսեն Վենգերին ինձ ակումբ բերելու և վստահելու համար։
Հիմա սկսում եմ պատրաստվել նոր մարտահրավերի և Ա Սերիայում երկրորդ տարվա արկածին։
Ես սիրում եմ Հռոմը, սիրում եմ այս ակումբը և երկրպագուներին։ Կգործադրեմ բոլոր ջանքերս մեր նպատակներին հասնելու համար»,- ֆեյսբուքյան էջում գրել է Հենրիխ Մխիթարյանը։
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
