Օգոստոսի 28-ից 30-ն անցկացվելու է ծանրամարտի մեջազգային հեռավար մրցաշար՝ նվիրված Ուզբեկստանի անկախության տոնին: Մրցաշարի բոլոր մանրամասները քննարկվել են մարզաձեւի միջազգային ֆեդերացիայում եւ կազմկոմիտեում:
ՀԱՕԿ-ի փոխանցմամբ՝ մրցաշարին մասնակցելու հայտ արդեն ներկայացրել է 40 երկիր, այդ թվում՝ Հայաստանը:
Մրցաշարում գործելու են անսովոր կանոնակարգեր: Եթե մարզիկը ռեկորդ սահմանի, ապա տեղում դոպինգ ստուգման կենթարկվի եւ արդյունքը կգրանցվի «բացասական» պատասխանի դեպքում:
Հեռավար մրցաշարում հաղթողները որոշվելու են երկամարտում եւ մրցանակակիր ծանրորդների լուսանկարները մեդալի ֆոնին կազմակերպիչ երկրում կցուցադրվեն ուղիղ եթերում:
Կարդացեք նաև
Պայքարը ծավալվելու է հինգ քաշային կարգում, որոնց հաղթողներն ու մրցանակակիրները կպարգեւատրվեն, համապատասխանաբար, 2500,1500 եւ 750 դոլարով:
Հայաստանը ներկայացված է լինելու երեք քաշային կարգում. 87 կգ՝ Անդրանիկ Կարապետյան, 102 կգ՝ Սամվել Գասպարյան եւ գերծանր քաշային կարգ՝ Վարազդատ Լալայան:
Աշոտ ՀԱԿՈԲՅԱՆ
