Ինչպես տեղեկացրել ենք, այսօր«Կամք» հասարակական նախաձեռնությունը ԿԳՄՍ նախարարության մոտ բողոքի ցույց էր անում՝ պահանջելով նախարար Արայիկ Հարությունյանի հրաժարականը:
Նախարարության մոտ տեղակայված ոստիկանական ուժերը հետեւում եւ տուգանում էին այն ցուցարարներին, որոնք առանց դիմակի էին: Մեկ ժամվա ընթացքում տուգանքի մոտ 40 արձանագրություն կազմեցին:
Հետո ոստիկանները բերման ենթարկեցին իրենց պահանջին չենթարկվող ցուցարարներից մեկին՝ «Կամքի» անդամ Արթուր Ալեքսանյանին:
Ավելի ուշ, երբ ցուցարարներն ուզում էին մեքենաները նստել, բերման ենթարկեցին նախաձեռնության ղեկավար Վահագն Չախալյանին: Նա ոստիկանական մեքենան նստելիս էր բղավում էր՝ «Արայի՛կ, հեռացի՛ր»:
Կարդացեք նաև
Չախալյանից հետո բերման ենթարկեցին «Կամքի» եւս 2 անդամների:
Հիշեցնենք, որ «Կամքը» օգոստոսի 28-ին հանրահավաք է հրավիրել:
Հռիփսիմե ՋԵԲԵՋՅԱՆ
