Հոնկոնգի համալսարանի գիտնականները հայտարարել են, որ հայտնաբերել են կորոնավիրուսով կրկնակի վարակվելու առաջին հաստատված դեպքը: Ինչպես հաղորդում է BBC-ն՝ 33-ամյա երիտասարդը երկրորդ անգամ վարակվել է կորոնավիրուսով ապաքինվելուց 4,5 ամիս անց: Երիտասարդը թեստ է հանձնել օդանավակայանում Իսպանիայից վերադառնալուց հետո: Կրկնակի թեստավորման ժամանակ պացիենտի մոտ հիվանդության որևէ ախտանիշ չի եղել:
Վիրուսի հետազոտությունը ցույց է տվել, որ երկրորդ վարակման ժամանակ վիրուսը տարբերվել է առաջին վարակից: Գիտնականներին հայտնի է, որ կորոնավիրուսով վարակված մարդիկ իմունիտետ են ձեռք բերում, բայց մինչ օրս անհայտ է՝ որքան արդյունավետ է այդ պաշտպանությունը և որքան կարող է այն տևել: Վերոնշյալ պացիենտի դեպքը վկայում է այն մասին, որ վիրուսի նկատմամբ իմունիտետը կարող է լինել ոչ տևական:
Ավելի վաղ Չինաստանի գիտնականները ևս հայտնել էին կորոնավիրուսի կրկնավարակի մի քանի դեպքերի մասին:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
