Այսօր կառավարության նիստում, երբ վարչապետ Նիկոլ Փաշինյանը հերթական հարցը զեկուցելու համար ձայնի իրավունքը սխալմամբ տվեց ֆինանսների նախարար Ատոմ Ջանջուղազյանին, այնինչ պետք է տար առողջապահության նախարար Արսեն Թորոսյանին, կատակեց՝ բայց կուզեիք, չէ՞, պարո՛ն Թորոսյան, ֆինանսների նախարար լինեիք, առողջապահության նախարարությանը մի քիչ շատ փող տայիք:
Հարցն առնչվում էր Ասիական զարգացման բանկի միջեւ կորոնավիրուսի արձագանքման ծրագիր դրամաշնորհային համաձայնագրի ստորագրման առաջարկությանը համաձայնություն տալուն:
Պարոն Թորոսյանն ի պատասխան կրկին կատակեց՝ ինձ թվում է, եթե երրորդ անգամ էլ շփոթվեք, պիտի մի բան անեք:
Նախարարն ասաց, որ դրամաշնորհի գումարը կազմում է 2 միլիոն ԱՄՆ դոլար, որով նախատեսվում է ձեռք բերել միջոցներ՝ կորոնավիրուսի դեմ պայքարի համար, մասնավորապես՝ մանրէաբանական լաբորատորիաների սարքավորումների, թեստավորման կոմպլեկտների, ռեագենտների, բժշկական սարքավորումների եւ պարագաների:
Կարդացեք նաև
Լուսինե ԲՈՒԴԱՂՅԱՆ
