«Ռազմինֆո». Օգոստոսի 19-ին ՀՀ պաշտոնաթող նախագահ Սերժ Սարգսյանը 2016 թ․ Ապրիլյան պատերազմի թեմայով ասուլիսի ժամանակ հայտարարել էր Ադրբեջանում Թուրքիայից և Իսրայելից հրահանգիչների ներկայության մասին, ինչին «հայելային մեղադրանքով» արձագանքել է Ադրբեջանի ՊՆ-ն՝ հակասելով ինքն իրեն։
Ադրբեջանի ՊՆ-ի հետ առնչություն ունեցող կայքի միջոցով պատասխան հայտարարության մեջ, ադրբեջանական կողմը նախ պարզունակ «հայելային» կերպով հայտարարել է, թե «ոչ թե իրենք, այլ հայկական կողմն է օգտագործում այլ երկրներից վարձկանների, քանի որ մարդկային ռեսուրսի պակաս ունի», ապա հերքել իրենց մոտ հրահանգիչների առկայության մասին հայտարարությունը, այն դեպքում, երբ ժամանակին հենց իրենք դա չեն թաքցրել։
Օրինակ՝ հենց ադրբեջանական կողմն է հայտնել Նախիջևանում գործող հատուկջոկատայինների, ինչպես նաև դիպուկահարների պատրաստության կենտրոններում թուրք մասնագետների առկայության մասին՝ նույնիսկ տալով նրանցից մեկի անունը՝ Թուրքիայի ԶՈւ զինծառայող Մուրադ Բայրաքթար։
Թուրքիայի ԶՈւ զինծառայող Մուրադ Բայրաքթարը
Ինչ վերաբերում է Իսրայելին՝ ապա առնվազն մեկ դեպք հայտնի է, երբ իսրայելցի մասնագետներն Ադրբեջանի «խնդրանքով» մեր դեմ կիրառել են մահապարտ ԱԹՍ։ 2017 թ. օգոստոսին իսրայելական մամուլը գրեց Արցախի դիրքերի ուղղությամբ ADC ընկերության ներկայացուցիչների կողմից մահապարտ ԱԹՍ-ներ կիրառելու մասին, որից հետո Իսրայելում սկսվեց հետաքննություն: Այս պատմությունը ավարտվեց նրանով, որ Իսրայելն այդ ընկերության ղեկավարությունից որոշ անձանց արգելեց ռազմական ապրանքների արտահանում կատարել:
Կարդացեք նաև
Նշենք նաև, որ մենք դեռ առանձին չենք անդրադառնում նաև Արցախյան պատերազմի ժամանակ Ադրբեջանի կողմից կռվող վարձկաններին, ընդ որում՝ դա այն դեպքում, երբ իրենք մարդկային ռեսուրսի պակաս չունեին։
