Արցախ կատարած աշխատանքային այցի ավարտին «Հայրենիք» կուսակցության նախագահ Արթուր Վանեցյանը հարցազրույց է ունեցել «5-րդ ալիք» հեռուստաընկերության հետ, խոսել այցի բուն նպատակի, ինչպես նաեւ արցախյան քաղաքական ուժերի, Արցախի հոգևոր առաջնորդի, Ազատամարտիկների միության ղեկավար կազմի հետ հանդիպումների և այլ խնդիրների շուրջ։
«Քննարկումների առանցքային խնդիրներից է եղել արցախյան հակամարտության կարգավորումը, որի շրջանակում մենք ներկայացրել ենք մեր կուսակցության դիրքորոշումը, և կարող եմ փաստել, որ մեր կուսակցության և Արցախի քաղաքական ուժերի ներկայացուցիչների մոտեցումն այս խնդրի շուրջ միակամ է. Արցախը երբեք չպետք է լինի Ադրբեջանի կազմում, Արցախի ժողովրդի ինքնորոշման իրավունքն անքննելի է, իսկ Արցախի անկախության միջազգային ճանաչումն այլընտրանք չունի»,-ընդգծել է Արթուր Վանեցյանը։
Անդրադառնալով Արցախի վերաբնակեցման ծրագրին՝ «Հայրենիք» կուսակցության ղեկավարը նշել է, որ դա համահայկական խնդիր է, որին պետք է ակտիվ մասնակցություն ունենան թե՛ հայաստանցիները, թե ՛ արցախցիները և թե սփյուռքի մեր հայրենակիցները։
«Մեր գործող իշխանությունների ոչ ճիշտ, իսկ ավելի հստակ՝ ապաշնորհ բանակցային գործընթացի կամ դրա բացակայության արդյունքում Ադրբեջանի կողմից ի հայտ է եկել մի կեղծ եզրույթ՝ «Ղարաբաղի ադրբեջանական համայնք», և այդ տեսանկյունից վերաբնակեցման ծրագիրն այսօր ավելի քան հրատապ է»,-ասել է Վանեցյանը՝ հավելելով, որ «Հայրենիք» կուսակցությունը պատրաստվում է ստեղծել աշխատանքային խումբ և օրակարգային խնդիր դարձնել Արցախի վերաբնակեցման ծրագիրը։
Կարդացեք նաև
https://www.facebook.com/hayrenikk/videos/2809192339313460/?__xts__[0]=68.ARCvJJNzOClUM3rHSElOeXEhup8u-RKE0BaLh77cNijE0OBtR8rTGrleCzzigUiU9I7UAVuPnVd7Ik3cuDGmA7Z-KRaRpq-Yk8jetSOOdPKOK087uAuCPhZKxJGbVQzsFRIhMqN6nRrQ8OxLNWeihBk_lu3RwuOeLQvv8zeIJiLFQ0E5ZPJ_3tFHCatumz9o5xFcVA9nruMflGQuAumyk40yU0ViqCtTfVzq_8BICw_0V30yAHNWmCZEFD8XkTPINg_YafIABvz0QQab_gBxv24VXbXEVQVzDlRg7KI7YsyBZpUQCMLltzC_EgJLkwDH2HPwgZHULeKw5ux1vUE1T0-ZAZ6osyTZoUxbDwXvXbE1xeHzRYiLOarAYk76v1EpHA&__tn__=-R
«Հայրենիք» կուսակցության մամուլի հաղորդագրություն
