ՏԿԵ նախարարության Հայաստանի տարածքային զարգացման հիմնադրամը՝ պետական բյուջեի միջոցներով և համայնքի համաֆինանսավորմամբ իրականացնում է Կոտայքի մարզի Գառնի համայնքի՝ խմելու ջրի ներքին ցանցի հիմնանորոգման աշխատանքը:
Գառնիում խմելու ջրագծերը մոնտաժվել են դեռևս հիսունականներից և գտնվում էին անմխիթար վիճակում: Խմելու ջուրը բնակչությանը հասցնելու համար անհրաժեշտ էր իրականացնել ցանցի հիմնովին նորոգում:
Աշխատանքների ավարտից հետո համայնքի 800 տնտեսություն` շուրջ 3000 բնակչով, ապահովված կլինի շուրջօրյա ջրամատակարարմամբ:
Ծրագիրն իրականացվում է ՏԿԵ նախարարության և ՀՏԶՀ-ի միջև 2018-ին կնքված պայմանագրի հիման վրա: Կառավարության ներդրումը կազմում է 100 միլիոն 500 հազար դրամ, Գառնիի համայնքային բյուջեից ներդրվել է 48 միլիոն 600 հազար դրամ:
Կարդացեք նաև
Աշխատանքներն ամբողջությամբ կավարտվեն այս տարի:
ՀՏԶՀ մամուլի ծառայություն
