Քուվեյթյան երեք հեղինակավոր լրատվականներ՝ «Ալ-Ջարիդան», «Ալ-Նահարը» և «Ալ-Վասատը» տարածել են հայ-ադրբեջանական սահմանին հուլիսին տեղի ունեցած իրադարձությունների վերաբերյալ Հայաստանի դեսպանության հայտարարությունը։ Հիշեցնենք, որ օգոստոսի 5-ին դեսպանության հայտարարությունը տարածել էր նաև քուվեյթյան «Ալ-Սիյասա» քաղաքական օրաթերթը։
«Ալ-Ջարիդան» ընտրել է հետևյալ վերնագիրը՝ «Ադրբեջանը Սիրիայից վարձկաններ է հավաքագրում հայ ժողովրդի դեմ օգտագործելու նպատակով»։
«Ալ-Նահարը» ընտրել է հետևյալ վերնագիրը՝ «Մեր ձեռքը մեկնած է Ադրբեջանին՝ հանուն խաղաղ բանակցությունների»։
«Ալ-Վասատը» ընտրել է հետևյալ վերնագիրը՝ «Հայկական կողմի ձեռքը մեկնած է Ադրբեջանին՝ հանուն խաղաղ բանակցությունների։ Հայկական կողմը մերժում է ռազմական ճանապարհով հակամարտության լուծումը երկու երկրների միջև»։
Կարդացեք նաև
