ՀՀ վարչապետի որոշմամբ հաստատվել են 4 բուհերի հոգաբարձուների խորհուրդների կազմերը՝ Երեւանի պետական համալսարան, Մխիթար Հերացու անվան պետական բժշկական համալսարան, Ճարտարապետության և շինարարության Հայաստանի ազգային համալսարան եւ Հայաստանի ազգային պոլիտեխնիկական համալսարան:
Բուհական ոլորտը համակարգող ԿԳՄՍ փոխնախարար Գրիշա Թամրազյանի անունը բացակայում է բուհերից որեւէ մեկի խորհրդի կազմում, փոխարենը ԿԳՄՍ հանրակրթության ոլորտը համակարգող փոխնախարար Ժաննա Անդրեասյանն է ընդգրկվել ԵՊՀ հոգաբարձուների խորհրդի կազմում, իսկ մյուս փոխնախարար Արթուր Մարտիրոսյանը՝ Ազգային պոլիտեխնիկական համալսարանի խորհրդում: Ի դեպ, այդ կազմերից դուրս են թողնվել պատգամավորները:
Aravot.am-ը ԿԳՄՍ նախարարի տեղակալ Գրիշա Թամրազյանից, որն այս օրերին արձակուրդում է, չկարողացավ մեկնաբանություն ստանալ՝ նա չպատասխանեց մեր զանգերին, եւ հաղորդագրություններին: Իսկ ԿԳՄՍ նախարարության հասարակայնության հետ կապերի և տեղեկատվության վարչությունից հետեւյալը փոխանցեցին. «Քանի որ ՀՀ ԿԳՄՍ նախարարի տեղակալ Գրիշա Թամրազյանը համակարգում է բուհերի ոլորտը, որևէ մեկ բուհի խորհրդի կազմում նրա թեկնածությունն առաջադրելը նպատակահարմար չի համարվել»:
Հայտնի է նաեւ, որ ընթացքի մեջ է ծառայողական քննությունը, որի արդյունքներից վարչապետը պետք է տեղեկանա, թե ով է իրավացի, եւ, ըստ այդմ, լուծվի Սմբատ Գոգյան- Գրիշա Թամրազյան «հակամարտության» թնջուկը:
Կարդացեք նաև
Գոհար ՀԱԿՈԲՅԱՆ
