«Շատ բողոքներ եմ ստացել, վստահ եմ՝ գործընկերներս նույնպես: Կեսգիշերին արվող հրավառություններն արդեն ավանդույթ են դարձել: Մեր քաղաքացիները հաճախ մտածում են, որ ծնունդը սկսվում է 00:00-ին եւ հրավառություն են անում»,-ԱԺ նիստում այսօր արտակարգ դրության պարետ, փոխվարչապետ Տիգրան Ավինյանին ասաց «Իմ քայլը» խմբակցության պատգամավոր Հովհաննես Իգիթյանը:
«Այստեղ մի քանի խնդիր կա՝ անվտանգությունը, հրդեհները: Մյուս կողմից, պահեստավորված հրավառությունները կարող են վտանգ ներկայացնել: Հիշենք Բեյրութի դեպքը»,-մատնանշեց պատգամավորը:
Տիգրան Ավինյանը պատասխանեց՝ դեռեւս օգոստոսի 10-ին համապատասխան գերատեսչությունները հանձնարարական են ստացել. «Հրավառությունների հետ կապված կարգավորումներ կան: Տեղեկացնեմ, որ հրավառությունների հետ կապված օրենսդրական փոփոխություն է շուտով լինելու: Դրանց վաճառքի սահմանափակման առնչությամբ եւս առաջարկներ են ձեւավորվել, որոնք կքննարկվեն ԱԺ-ում»:
Հիշեցնենք, որ կառավարությունն այսօր որոշել է կորոնավիրուսի տարածմամբ պայմանավորված արտակարգ դրության ժամկետը երկարաձգել մինչեւ սեպտեմբերի 11-ը, եւ օրենքի ուժով ԱԺ-ում ներկայացվում է որոշումը:
Կարդացեք նաև
Լուիզա ՍՈՒՔԻԱՍՅԱՆ
