«Հուսամ՝ արտակարգ դրությունը երկարաձգվում է վերջին անգամ: Միաժամանակ՝ իրավիճակը զգուշավոր լավատեսության հիմք է տալիս: Համաճարակաբանական վիճակը միջինից դեպի թեթեւ է, իսկ առողջապահական վիճակը վերահսկելի է»,-ԱԺ հատուկ նիստում այսօր հայտարարեց արտակարգ դրության պարետ, փոխվարչապետ Տիգրան Ավինյանը:
Հիշեցնենք, որ կառավարությունն այսօր որոշել է կորոնավիրուսի տարածմամբ պայմանավորված արտակարգ դրության ժամկետը երկարաձգել մինչեւ սեպտեմբերի 11-ը, եւ օրենքի ուժով ԱԺ-ում ներկայացվում է որոշումը:
Ավինյանի խոսքով՝ շատ երկրների պարագայում թվում է, թե կորոնավիրուսի մարտահրավերը հաղթահարված է, սակայն օրերի ընթացքում նոր բռնկումներ են տեղի ունենում. «Ավելորդ չի լինի ընդգծել, որ հանուն անվտանգության՝ ավելի կարգապահ պետք է լինենք: Ռիսկերը չեզոքացված չեն»:
Ապա փոխվարչապետը հայտնեց, որ կառավարությունը մշակել է համավարակի կառավարման պլան, որը ուղենիշային դեր ունի հետագա գործողությունների համար. «Պետք է սովորենք ապրել եւ աշխատել համավարակի պայմաններում՝ անվտանգության կանոնների պահպանմամբ չեզոքացնելով համավարակի երկրորդ ալիքի ինտենսիվությունը»:
Կարդացեք նաև
Լուիզա ՍՈՒՔԻԱՍՅԱՆ
