Կորոնավիրուսը ջախջախում է նյարդերս. երգչուհի Հասմիկ Կարապետյանը այլ բառեր չի գտնում նկարագրելու վերջին ամիսների իրավիճակը։
«Հոգեպես ճնշված եմ, այս ժամանակաշրջանը շատ սթրեսային է, որովհետև ես հանրային մարդ եմ ու շատ շփվող, այդ պատճառով էլ եռակի դժվար է այս ամենն ինձ համար»,- «Ա1+»-ին ասում է Հասմիկ Կարապետյանը, որի երկրորդ երեխան ծնվել է ապրիլին։ Կարանտինի ընթացքում ասում է, որ խոսափում է փակ տարածքներում գտնվելուց, հյուր չի գնում ու ընկերներն էլ իրեն չեն այցելում։
Երգչուհին ծրագրում էր՝ այս ամառը կլինի ընտանեկան ճամփորդություններով լի, աղջիկը մանկապարտեզ կհաճախի, ինքն էլ ավելի ակտիվ կլինի երգարվեստում, բայց կորոնավիրուսը փոխեց ամեն ինչ։
«Ես ավելի հանգիստ կլինեի ու ժամանակս ավելի շատ փոքրիկիս ու ամուսնուս կտրամադրեի։ Տաթևը շատ ուշադրություն է պահանջում։ Ես շատ ցավում եմ 2-3 տարեկան երեխաների համար, ովքեր զարգացում չեն ապրում այս վիրուսի պատճառով։ Այս երեխաները 1-2 տարի հետ ընկան»,- «Ա1+»-ի հետ զրույցում պատմում է նա։
Կարդացեք նաև
Նյութն ամբողջությամբ՝ սկզբնաղբյուր կայքում
