ՀՅԴ «Նիկոլ Աղբալյան» ուսանողական միության ֆեյսբուքյան էջում գրված է. «Ուղիղ 100 տարի առաջ այս օրը` 1920 թ. օգոստոսի 10-ին, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ խորհրդարանի երկրորդ նախագահ և Փարիզի հաշտության խորհրդաժողովում Հանրապետության պատվիրակության ղեկավար Ավետիս Ահարոնյանը (1866-1948 թթ.) Հայաստանի անունից ստորագրեց և կնքեց Սևրի հաշտության պայմանագիրը Օսմանյան կայսրության հետ, որով վերջինս ազատ և անկախ պետություն էր ճանաչում Հայաստանը, իսկ մեր նորանկախ Հանրապետության տարածքը 70000-ից դառնում էր 160000 քառ. կմ՝ դեպի Սև ծով անարգել ելքով։
Սևրի պայմանագրով նաև դե յուրե ճանաչվեց Հայաստանի անկախությունը (դե ֆակտո ճանաչումը տեղի էր ունեցել 1920 թ. հունվարի 19-ին)»։
