Բեյրութի պայթյունի զոհերի հիշատակին Անթիլիասում Սուրբ պատարագ է մատուցվել։
Արամ Ա Վեհափառ Հայրապետի ֆեյսբուքյան էջում կարդում ենք․
«Կիրակի, 9 Օգոստոս 2020-ին, Անթիլիասի Մայրավանքի Ս. Գրիգոր Լուսաւորիչ Մայր Տաճարին մէջ մատուցուեցաւ հանդիսաւոր Սուրբ եւ Անմահ Պատարագ՝ հանդիսապետութեամբ Ն.Ս.Օ.Տ.Տ. Արամ Ա. Վեհափառ Հայրապետին:
Ս. Պատարագին ներկայ էին Լիբանանի մօտ Հայաստանի Հանրապետութեան դեսպանը, Հայաստանի Հանրապետութիւնը ներկայացնող պատուիրակութիւն մը, Լիբանանի հայկական երեսփոխանական պլոքի ներկայացուցիչը եւ երեք քաղաքական կուսակցութեանց վերի մարմիններու ներկայացուցիչները:
Կարդացեք նաև
Իր Հայրապետական պատգամը առ Աստուած ուղղուած գոհաբանական աղօթքով սկսելէ ետք, Վեհափառ Հայրապետը հետեւեալ երեք հաստատումները կատարեց.- Առաջին՝ ԼԻԲԱՆԱՆԻ ՀԱՅՈՒԹԻՒՆ, ՄԵՐ ՈՂՋ ԱԶԳԸ ՔԵԶԻ՛ ՀԵՏ Է: Երկրորդ՝ ԼԻԲԱՆԱՆԻ ՀԱՅՈՒԹԵԱՆ ՀԶՕՐԱՑՈՒՄԸ ՀԱՅԱՍՏԱՆԻՆ ՈՒ ՍՓԻՒՌՔԻՆ ՀԶՕՐԱՑՈՒՄՆ Է: Երրորդ՝ ԼԻԲԱՆԱՆԻ ՀԱՅՈՒԹԻՒՆԸ ՊԵՏՈՒԹԵԱՆ ՀԵՏ Է, ԱՅՈ՛, ՍԱԿԱՅՆ ԴԷՄ Է ՊԵՏԱԿԱՆ ԻՐԵՆՑ ՊԱՇՏՕՆՆԵՐԸ ՉԱՐԱՇԱՀՈՂ ՊԱՏԱՍԽԱՆԱՏՈՒՆԵՐՈՒՆ: Իւրաքանչիւրին մասին անդրադառնալէ ետք, Նորին Սրբութիւնը Լիբանանի հայութեան վերականգնումը նկատեց համազգային ծրագիր ու մասնակցութիւն: Ան իր պատգամին մէջ շեշտեց, թէ «Լիբանանը միշտ կը մնայ Սփիւռքի մէջ իր առանցքային դերակատարութեամբ կարեւոր համայնք, համահայկական աշխատանքներուն ու տեսլականներուն կարեւոր ներդրում կատարած ու կատարելու կոչուած գաղութ. հետեւաբար, անոր վերականգնումը պէտք է ըլլայ միասնական ճիգով»:
Պատարագի աւարտին, Հայրապետին նախագահութեամբ տեղի ունեցաւ հոգեհանգիստեան պաշտօն՝ Պէյրութի մէջ պատահած պայթումին հետեւանքով նահատակուած հայորդիներու հոգիներուն համար»:
https://www.facebook.com/CatholicosAramI/posts/3378801888808354?__xts__[0]=68.ARDtiMQzEeppYwAjmq0rnwNc5B0mHTLf3JScW7-5Pf5VSYjdNe7dW5UJnBLaKilNgjPbF_c2Uv7_tUriYlM2qgt5-qkT99jIFkd-Ksh69HXsbU0Ad07HjFPdifldymEcIxSXXnKJjTR14NJeDOWBV-LkMGeVJxWHHUbpS5LPbFVishKvR-_OIiDAmChoYDQttZZ4hsDTyPAJT3lRaEEZkRDGDjwnOTrJT15ojZDhlK_kL2B5dG89gbqB-UzAfyjBabMsVaQVDBzHHuuM_-qZXh9lLXop55Pp3NFRd737cDNE88jvHFS96Oq-kBRAQ5AvJ-PnbbEpvZUzI3yYYRB7FgP0Ug&__tn__=-R
Լուսանկարները՝ «Արմենպրես» լրատվական գործակալության
