«Բնավ չեմ ափսոսում». Մարիա Կարապետյանը՝ թուրքական TRT հեռուստաընկերությանը տված հարցազրույցի և իր հասցեին հնչող մեղադրանքների մասին

Aravot.am-ը որոշ պարզաբանումներ ստացավ «Իմ քայլը» խմբակցության պատգամավոր Մարիա Կարապետյանից՝ կապված իր՝ 2018-ի մայիսի 2-ին թուրքական TRT հեռուստաընկերության ուղիղ եթերում հարցազրույցի շրջանառության և իր հասցեին հնչող մեղադրանքների մասին: Հիշեցնենք՝ տեսանյութն իր էջում էր տեղադրել ֆեյսբուքյան օգտատեր Հայկ Այվազյանը: Նա նշել էր, թե Մարիա Կարապետյանը «զեկուցում է Հայաստանում իրականացվող պետական հեղաշրջման մասին»:

-Տիկին Կարապետյան, այս օրերին համացանցում Ձեր՝ թուրքական TRT հեռուստաընկերության ուղիղ եթերում հարցազրույցն է շրջանառվում, որտեղ Դուք ներկայացնում եք, թե Հայաստանում ինչ է տեղի ունենում: Կասե՞ք ինչպես ստացվեց, որ Դուք 2018-ին թուրքական հեռուստաընկերությանը հարցազրույց տվեցիք, կներկայացնե՞ք նախապատմությունը:

-TRT World հեռուստաընկերությանը հարցազրույց տալու առաջարկով առաջին անգամ ինձ դիմել է TRT World հեռուստաընկերության լրագրող, Կանադայի քաղաքացի Թանյա Գուդսուզյանը 2018 թվականի ապրիլին։ Ապրիլի 19-ին ևս երկու հայազգի վերլուծաբանների հետ պանելային քննարկման ենք մասնակցել, որը վարել է TRT World հեռուստաընկերության լրագրող, ԱՄՆ քաղաքացի Անդրեա Սանկեն։

Այդ օրերին Հայաստան էր ժամանել TRT World հեռուստաընկերության լրագրող, Ուելսի քաղաքացի Իոլո ափ ԴաՖիդը, ում հարցազրույց եմ տվել մայիսի առաջին օրերին։ Իմիջիայլոց, այս նույն լրագրողին 2018 թվականի մայիսի 8-ին հարցազրույց է տվել նաև Հայաստանի Հանրապետության նախագահ Արմեն Սարգսյանը։

Կարդացեք նաև

Ադրբեջանի կողմից Արցախում իրականացվող զանգվածային ոչնչացումներին պատշաճ արձագանքներ չեն հնչում Հայաստանի ոչ մի պաշտոնական գերատեսչությունից․ «Ապառաժ»

• 14:10 18.11.2024

Ի՞նչ անենք, որ այլևս չդառնանք գաղութ: Պետք է անդրադառնալ հարցին, թե ինչպես կարող է արտահայտվել քաղաքակրթորեն մոտ լինելը Եվրոպային այսօ՛ր, այլ ոչ թե Հին Հռոմի ժամանակ. Մարիա Կարապետյան

• 15:01 11.11.2024

Նշանակվել են ՀՀ դեսպաններ 5 երկրում

• 20:30 24.10.2024

Շատ կարևոր եմ համարում, որ թե՛ թավշյա հեղափոխության օրերին, թե՛ այսօր աշխարհը Հայաստանի մասին ճշգրիտ տեղեկատվության տիրապետելու հնարավորություն ունենա։

-Ինչպե՞ս կգնահատեք Ձեր հասցեին հնչող մեղադրանքները, թե Դուք թուրքասիրություն եք դրսևորել և հակահայկական քայլ կատարել, զեկուցել եք թուրքական հեռուստաընկերությանը պետական հեղաշրջման մասին:

-Թավշյա, ոչ բռնի, ժողովրդական հեղափոխությունը որպես «պետական հեղաշրջում» տեսնող անձը այնքան սխալ պատկերացում ունի Հայաստանի և նրա քաղաքացիների հավաքական շահերի մասին, որ իմ այդ հարցազրույցը կարող է որպես «զեկույց» ընկալել թուրքական հեռուստաընկերությանը։

Պատգամավոր դառնալուց թե՛ առաջ, թե՛ հետո ես համարում եմ, որ աշխարհի բոլոր՝ մեր նկատմամբ բարյացակամ կամ ոչ բարյացակամ քաղաքականություն վարող երկրների հանրությունները պետք է ունենան հնարավորություն լսելու մեր դիրքորոշումները։

-Այս ամենից հետո հնարավո՞ր է փոշմանել եք թուրքական հեռուստաընկերությանը տված հարցազրույցի համար:

-Բնավ չեմ ափսոսում։

https://www.facebook.com/hayk.ayvazyan77/videos/2525897567520456/?t=0

Տաթև ՀԱՐՈՒԹՅՈՒՆՅԱՆ