«Հայաստանը ներկայիս իշխանության գործունեության պատճառով հիմա կործանման եզրին է: Երկրի համար շատ վտանգավոր շրջան է, Թուրքիան իր բանակը տեղակայել է Նախիջևանի շրջանում: Միակ բանը, որը Հայաստանին փրկում է Սիրիայի ճակատագրին արժանանալուց, ռուսական դրոշն է 102-րդ բազայի վրա»,- այսօր՝ օգոստոսի 4-ին, «Հայելի» ակումբում ասուլիսի ժամանակ ասաց ՀՀ Ազգային ժողովի նախկին պատգամավոր Գուրգեն Եղիազարյանը:
Անդրադառնալով կրթական նոր չափորոշիչների թեմային՝ Գուրգեն Եղիազարյանը նշեց, որ փոփոխությունները կտանեն ազգային արժեքների ոչնչացմանը և ավելացրեց, որ այդ չափորոշիչների դեմ պետք է պայքարել:
«Օդում կախված լուրերը հաշվի չառնելով՝ պետք է նշեմ, որ հիմա կատարվում են այնպիսի բաներ, որոնք վտանգում են առաջինը մեր երեխաներին: Հիշեք, սեպտեմբերին սոցիալական աշխատողները կմտնեն դպրոց, որ կյանքի կոչեն այդ այլասերում տարածող կոնվենցիան»,-ասաց Եղիազարյանը:
Ջուլետտա ՀՈՎՍԵՓՅԱՆ
