Երկրորդ նախագահ Ռոբերտ Քոչարյանի եւ մյուսների գործով դատական նիստը շարունակվում է Երեւանի ընդհանուր իրավասության դատարանում: Քննարկվում է ամբաստանյալ Արմեն Գեւորգյանի, Ռոբերտ Քոչարյանի գույքի վրայից կալանքը հանելու հարցը:
Քոչարյանի պաշտպանը՝ փաստաբան Հովհաննես Խուդոյանը դժգոհեց, որ տուժողների կարծիքն էլ են դատարանում հարցնում Քոչարյանի գույքի կալանքի վերաբերյալ, մինչդեռ այս հարցում իրենք շահագրգիռ կողմ չեն. «Տուժողներին ի՞նչ տարբերություն՝ Քոչարյանի գույքի վրա կալանք կա՞, թե՞ չկա: Սա եւս մեկ անգամ ցույց է տալիս այս քրեական դատավարության անձնակենտրոն բնույթը: Այսինքն, մենք չեն զբաղվում քրեական դատավարությամբ, զբաղվում ենք անձանց հետապնդելով»:
Տուժողի ներկայացուցիչ Սեդա Սաֆարյանը հունից դուրս եկավ, փորձեց արձագանքել, դատարանը թույլ չտվեց, նա էլ ասաց. «Թույլ չեն տալիսը ո՞րն է, դուք ձեր գործն արեք, կանգնում ինչ ուզում՝ խոսում են»:
Դատավոր Աննա Դանիբեկյանը Սեդա Սաֆարյանին նախազգուշացրեց, որ իրավասու է դատական նիստում կարգը խախտելու համար կիրառել դատական սանկցիա. «Կրկին անգամ ձեր կողմից նման վարքագիծ դրսեւորելու դեպքում դատարանը կկիրառի դատական սանկցիա: Տուժո՛ղ, ձեզ էլ է դա վերաբերում»:
Կարդացեք նաև
Հռիփսիմե ՋԵԲԵՋՅԱՆ
