Եվրամիությունը թարմացրել է այն երկրների ցանկը, որոնց միջոցով եվրոպական պետությունները կարող են բացել արտաքին սահմանները: Ցանկում տարածաշրջանի երկրներից ընդգրկված է միայն Վրաստանը, որը շարունակում է անվտանգ երկիր համարվել համաճարակաբանական առումով: Այս մասին ասվում է ԵՄ Խորհրդի հաղորդագրության մեջ:
Եվրամիությունն առաջարկում է հուլիսի 1-ից սահմանները բացել Ավստրալիայի, Կանադայի, Վրաստանի, Ճապոնիայի, Մարոկկոյի, Նոր Զելանդիայի, Ռուանդայի, Հարավային Կորեայի, Թաիլանդի, Թունիսի և Ուրուգվայի քաղաքացիների համար:
Առաջարկվում է նաև ԵՄ անդամ երկրների սահմանները բացել Չինաստանի քաղաքացիների համար այն դեպքում, երբ Պեկինը նման որոշում կկայացնի եվրոպացիների համար:
Հաղորդագրության համաձայն՝ ցուցակը վերանայվելու է և պարբերաբար թարմացվելու է՝ համաճարակային իրավիճակից ելնելով:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
