«ՆՈՎԱԹԵԼ» ընկերությունը հայտնում է իր լրջագույն ցանկությունը ձեռք բերելու «ՎԵՈՆ ԱՐՄԵՆԻԱ» ՓԲԸ 100 տոկոս բաժնեմասը։
Իր կողմից իրականացված ուսումնասիրությունների արդյունքում «ՆՈՎԱԹԵԼ» ընկերությունը հանգել է այն եզրակացության, որ Հայաստանի Հանրապետությունում շատ կարևոր է զարգացնել հեռահաղորդակցության հետևյալ ուղղությունները՝ առանձնահատուկ ուշադրության արժանացնելով սահմանամերձ շրջանների և գյուղական համայնքների կապի որակի բարձրացմանը․
- Շարժական կապի ծառայություններ
- Հանրային ամրակցված հեռախոսակապի ծառայություններ
- Ամրակցված լայնաշերտ հասանելիությամբ մանրածախ ինտերնետ ծառայություններ
- Ամրակցված լայնաշերտ հասանելիությամբ մեծածախ ինտերնետ ծառայություններ
- Հեռուստատեսության վերահեռարձակման ծառայություններ
- Զանգերի վերջնավորման ծառայություններ
Ընկերությունը բարձր է գնահատում «ՎԵՈՆ ԱՐՄԵՆԻԱ» ընկերությունում ներկայումս աշխատող ինժեներատեխնիկական և սպասարկող անձնակազմի բարձր որակավորումը և հայտնում իր պատրաստականությունը բաժնետոմսերը ձեռք բերելու դեպքում իրականացնել ընկերության արդյունավետ կառավարում։ Գերակա կհամարվի բաժանորդների թվի աճը և կապի որակի բարելավումը ներդրումային ծրագրերի շրջանակներում։
Իր ներդրումային ծրագիրը «ՆՈՎԱԹԵԼ»-ը կներկայացնի առաջիկայում կայանալիք մամուլի ասուլիսի ընթացքում։
Կարդացեք նաև
Ընկերության մասին․ «ՆՈՎԱԹԵԼ» -ի լիազոր ներկայացուցիչները աշխատանքի հսկայական փորձ ունեն հեռահաղորդակցության ոլորտում հեղինակավոր միջազգային ընկերությունների հետ, որոնք գործունեություն են ծավալում մի շարք երկրներում, համագործակցելու և ծրագրեր իրականացնելու ասպարեզում։
«ՆՈՎԱԹԵԼ»
