Ադրբեջանի նախագահ Իլհամ Ալիևը հերթական անգամ անդրադարձել է Արցախի հիմնահարցին: Ինչպես հաղորդում է Interfax գործակալության ադրբեջանական ծառայությունը, Ալիևը նշել է, որ ՀՀ վարչապետ Նիկոլ Փաշինյանը 7 պայման է առաջ քաշել, որոնցից ոչ մեկը պաշտոնական Բաքվի համար ընդունելի չէ:
Ադրբեջանի նախագահի խոսքով՝ Երևանի պահանջներից մեկն այն է, որ պաշտոնական Բաքուն բանակցություններ վարի Արցախի Հանրապետության ներկայացուցիչների հետ: «Դա անհնար է: Բազմիցս ենք այդ մասին հայտարարել: Լեռնային Ղարաբաղի Հանրապետություն գոյություն չունի… Եթե Հայաստանը խիզախություն ունի, թող ճանաչի ԼՂՀ-ն»,-ասել է նա:
Ալիևը նաև ասել է, որ Հայաստանն իբրև թե «ոչնչացնում է» բանակցային գործընթացը և փորձում փոխել բանակցությունների ձևաչափը: «Բանակցություններն ընթանում են Ադրբեջանի և Հայաստանի միջև: Դա ԵԱՀԿ Մինսկի խմբի և համանախագահների բացահայտ դիրքորոշումն է»,-հավելել է նա:
Ավելի վաղ ՀՀ վարչապետ Նիկոլ Փաշինյանը ներկայացրել էր հայ-ադրբեջանական սահմանին վերջին լարվածության և ԼՂ խաղաղ գործընթացի վերաբերյալ ՀՀ դիրքորոշումը:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
