«Իմ համոզմամբ՝ եթե Ալիևը ճիշտ խորհրդականներ ունենար, ապա նրան խորհուրդ կտան ժամանակավոր դադար վերցնել»,- «Արարատ» մամուլի ակումբում ասաց «Իմ քայլը» խմբակցության պատգամավոր Տաթև Հայրապետյանը։
Ըստ նրա՝ այս իրավիճակում Ադրբեջանում բազմաթիվ հարցեր են առաջացել և ջախջախվել է ադրբեջանական հզոր բանակի միֆը հաշված ժամերի և օրերի ընթացքում․ «Որքան դա ուզում են վերականգնեն, զորավարժություններ են անցկացնում՝ դեմքը փրկելու համար, ես դա համարում եմ շոուի որոշակի տարր, իհարկե կան նաև սպառնալից տարրեր, բայց դրանց հանդեպ, մենք շատ հետևողական ենք։ Բայց դա դեմքը փրկելու և հանրությանը հանգստացնելու նպատակ ունի։ Եվ դրան են նաև ծառայեցվում արտերկրում նաև տարբեր պետությունների մայրաքաղաքներում ադրբեջանական համայնքի ներկայացուցիչների սադրիչ գործողությունները։ Դրանք ևս պատահական չեն, ակնհայտորեն աջակցություն են ստանում պետության կողմից, և կարծես՝ Ալիևը ցանկանում է ցույց տալ իր հանրությանը՝ տեսեք, մենք այլ առումներով ևս շարունակում ենք ակտիվ լինել, այսպես ասած վրեժ ենք լուծում, սադրանքների ենք գնում և չենք հանգստանում։ Բայց մեծ հաշվով դա իր կրած անհաջողությունը քողարկելու նպատակ է հետապնդում»։
Կարդացեք նաև
Ամի ՉԻՉԱԿՅԱՆ
«Իմ քայլը» խմբակցության ղեկավար Լիլիթ Մակունցը եւ Տաթեւ Հայրապետյանը՝ Չինարիում: Լուսանկարը՝ Լիլիթ Մակունցի ՖԲ էջից
