«Վերջին շրջանում մենք ակնհայտորեն ականատես եղանք ադրբեջանական քաղաքական ռազմական ղեկավարության կողմից հռետորաբանության սրացմանը, կոշտ հայտարարություններով հանդես գալուն, և այդ համատեքստում տեղի ունեցան Տավուշի հայտի դեպքերը, որոնց արդյունքում ադրբեջանական բանակն, ըստ էության անհաջողություններ կրեց»,- «Արարատ» մամուլի ակումբում ասաց «Իմ քայլը» խմբակցության պատգամավոր Տաթև Հայրապետյանը։
Նրա խոսքով՝ այդ անհաջողությունները կոծկելու նպատակով հերթական անգամ հակահայկական գործոնը կրկին ասպարեզ բերվեց․ «Մասնավորապես՝ հուլիսի 14-ի լույս 15-ի գիշերը տեղի ունեցավ այդ հայտնի, իբրև բանակին աջակցող, բայց իրականում հակահայկական կոչեր հնչեցնող հայտնի ցույցը, որի արդյունքում, պետք է նշել, որ եղան ձերբակալվածներ։ Ընդ որում, ձերբակալվեցին ընդդիմության ներկայացուցիչներ, որոնք անգամ չէին մասնակցել հանրահավաքին։ Իրականում, իշխանությունը դա օգտագործեց իր ներքաղաքական հաշվեհարդարների նպատակով»։
Տաթև Հայրապետյանը նշեց, որ տեղի են ունենում թուրք-ադրբեջանական համատեղ զորավարժություններ և շարունակվում են հնչել հայտարարություններ, որոնք չեն համապատասխանում դիվանագիտական բառապաշարին․ «Կարևոր է, որ դրանք ի վերջո վերադառնան դիվանագիտական բառապաշարի դաշտ։ Ինչպես վարչապետն է ասել, մեզ հետ հնարավոր չէ խոսել սպառնալիքների լեզվով։ Եվ կարծում եմ՝ Ադրբեջանը ականատես եղավ, որ սպառնալիքի լեզվով խոսելու կամ գործելու փորձն անգամ ամենախիստ պատժի է արժանանալու»։
Կարդացեք նաև
Ամի ՉԻՉԱԿՅԱՆ
