Լողի միջազգային ֆեդերացիան (FINA) նախատեսում է $ 6,4 մլն. տրամադրել Տոկիոյի 32-րդ ամառային օլիմպիական խաղերին նախապատրաստվող եւ վարկանիշային միավորներ վաստակելու համար պայքարող բարձրակարգ և զարգացող երկրների մարզիկներին:
Ամենամեծ չափաբաժինը `$ 4 մլն, կտրամադրվի 160 ազգային ֆեդերացիաներին։ $ 460 հազար կուղղվի մայրցամաքային կազմակերպություններին: $ 2 մլն. կհանձնվի միջազգային ֆեդերացիայի հատուկ կրթաթոշակային ծրագրի անդամներին։ Այն նախատեսված է 100 մարզիկների ` 80 լողորդների և 20 ջրացատկորդների համար, որոնք դեռ չունեն վարկանիշ։ Այս գումարով նրանք հնարավորություն կստանան վերապատրաստվել Սենեգալի, Թաիլանդի, Ռուսաստանի և ԱՄՆ-ի ջրային կենտրոններում:
FINA – ի աջակցության ծրագիրը նախատեսում է տարեկան $ 25 հազար տրամադրել ազգային այն ֆեդերացիաներին, որոնց ներկայացուցիչները մասնակցում են ջրային մարզաձևերի, կարճ ջրերի լողի և պատանիների աշխարհի առաջնություններին:
Աշոտ ՀԱԿՈԲՅԱՆ
