«Իրազեկ քաղաքացիների միավորում»-ը հանրային քննարկում էր կազմակերպել՝ նվիրված Ազգային անվտանգության ռազմավարությանը։
Անվտանգության խորհրդի քարտուղար Արմեն Գրիգորյանը անդրադարձավ այն քննադատությանը, թե ինչո՞ւ «Արցախ» բառի կողքին չկա «Հանրապետություն» բառը. «Ցանկացած բառի շուրջ լայնածավալ քննարկումներ են եղել։ Եվ ընտրված բոլոր ձևակերպումները համապարփակ քննարկում են ունեցել և հիմք են ծառայել նաև վերջին երկու տարվա քաղաքականության, և ընտրվել է այդ տարբերակը»։
Նրա խոսքերով՝ Արցախի մասին ձևակերպումներ կան, որոնք իրենց կարգավիճակով ավելի բարձր են․ «Փորձել ենք ձևակերպել Հայաստանի շահերը։ Ձևակերպված այդ շահերի մեջ ձևակերպել ենք, կարելի է ասել, 4 կետով շահեր, որոնք ենթակետեր ունեն։ Բայց կարևոր առաջնային շահերից մեկը Հայաստանի ինքնիշխանությունն է, տարածքային ամբողջականությունն է և Արցախի անվտանգությունն է։ Այսինքն՝ մենք Արցախին տվել ենք Հայաստանի Հանրապետության շահի ամենաբարձր մակարդակը։ Եվ տարածքային ամբողջականության, մեր ինքնիշխանության հետ միասին մենք Արցախի անվտանգությունը համարում ենք Հայաստանի կարևորագույն շահերից մեկը»։
Կարդացեք նաև
Ամի ՉԻՉԱԿՅԱՆ
