Մոսկվան Երևանի և Բաքվի հետ կքննարկի տարբեր նախաձեռնություններ՝ հայ-ադրբեջանական սահմանին հրադադարն ամրապնդելու և բանակցային գործընթացն ակտիվացնելու համար: Այս մասին հայտարարել է ՌԴ ԱԳՆ-ի պաշտոնական ներկայացուցիչ Մարիա Զախարովան հուլիսի 23-ին տեղի ունեցած ճեպազրույցի ժամանակ:
Նրա խոսքով՝ Ռուսաստանը հակամարտող կողմերին առավելագույն զսպվածության կոչ է անում: Զախարովան նաև նշել է, որ Երևանը, Բաքուն և Մոսկվան համագործակցում են դիվանագիտական ալիքներով, ռազմական գերատեսչությունների գծով՝ լարվածությունը թուլացնելու համար:
«Ակնկալում ենք, որ երբ կվերացվեն միջազգային չվերթների արգելանքները, հնարավորություն կստեղծվի առարկայական մշակել հակամարտության կարգավորման հետ կապված հարցերի ողջ շրջանակը», – ասել է Ռուսաստանի ԱԳՆ-ի խոսնակը:
Պատրաստեց՝ Վիկտորյա ԱՆԴՐԵԱՍՅԱՆԸ
