Վրաստանում վերջին օրերին գրանցվել է կորոնավիրուսով հիվանդների զգալի աճ: Ինչպես հաղորդում են վրացական լրատվամիջոցները, այս մասին հայտարարել է երկրի վարչապետ Գեորգի Գախարիան:
Նրա խոսքով՝ Վրաստանի կառավարությունը լիովին վերահսկում է իրավիճակը, բայց պետք է զգոն լինել: «Երեկ Վրաստանի տարածքում 24 նոր դեպք էր արձանագրվել, այսօր՝ 12։ Թեև մենք վերահսկում ենք իրավիճակը, և վարակի տարածման տեմպերը կառավարելի են, այնուամենայնիվ, պետք է զգոն լինել», – հայտարարել է Վրաստանի վարչապետը։
Նա նաև նշել է, որ իրավիճակի հետագա սրման դեպքում կխստացվեն կարանտինի միջոցառումները առանձին վայրերում: Վրաստանում վերջին օրերին գրանցված կորոնավիրուսի նոր դեպքերը մեծամասամբ գրանցվել են Գարդաբանիի շրջանում:
Նշենք, որ հուլիսի 23-ի դրությամբ աշխարհում կորոնավիրուսի հաստատված դեպքերի թիվը գերազանցել է 15 միլիոն 407 հազարը, հիվանդության հետևանքով մահացել է 631 հազար 36 մարդ, ապաքինվել՝ ավելի քան 9 միլիոն 382 հազարը:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
