Կորոնավիրուսի համավարակի պատճառով Միջազգային օլիմպիական կոմիտեն գարնանը որոշում կայացրեց 2020 թվականին Տոկիոյում ամառային 32-րդ օլիմպիական խաղերը մեկ տարով հետաձգելու մասին՝ նախնական սահմանելով 2021 թվականի հուլիսի 23-ից օգոստոսի 8-ն ընկած ժամանակահատվածը: Սակայն COVID 19-ը դեռեւս չի նահանջում՝ խառնելով գործնականորեն բոլոր ոլորտների նաեւ նոր ծրագրերը:
ՄՕԿ-ը ներկայումս քննարկում է Տոկիոյի օլիմպիական խաղերն առանց հանդիսականների անցկացնելու հնարավոր տարբերակը: Խոսելով այդ մասին՝ ՄՕԿ նախագահ Թոմաս Բախը հայտարարել է, թե պետք է պատրաստ լինել ցանկացած տարբերակի, այդ թվում Խաղերն առանց հանդիսատեսների կազմակերպելուն, թեեւ այդպիսի սցենար ոչ ոք չի ուզում: Այս ամենը կապված է նաեւ նրա հետ, որ ՄՕԿ-ը եւ կազմկոմիտեն չեն ցանկանում ՕԽ անցկացման ժամկետները եւս մեկ անգամ հետաձգել:
Աշոտ ՀԱԿՈԲՅԱՆ
