Իսպանիայում հուլիսի 21-ին ադրբեջանական համայնքի 25-30 ներկայացուցիչներ ադրբեջանական ու թուրքական դրոշներով, ինչպես նաև «Stop Armenian aggression» պաստառներով հավաքվել էին Հայաստանի դեսպանության դիմացի մայթում:
Ադրբեջանական համայնքի ներկայացուցիչները բարձրախոսով սկսել են պահանջել Հայաստանից դադարեցնել ագրեսիան Ադրբեջանի նկատմամբ:
Իսպաներեն և անգլերեն լեզուներով հնչեցրած տեքստից հետո արվել են նաև տարբեր վանկարկումներ՝ «Հայաստանն ահաբեկիչ է», «Փաշինյանն ահաբեկիչ է» և այլն:
Այդ ընթացքում դեսպանության առջև են հավաքվել նաև Մադրիդում բնակվող 30-40 հայեր, ովքեր ադրբեջանցիների ակցիայի մասին իմանալուն պես ինքնաբուխ կերպով եկել էին դեսպանություն:
Կարդացեք նաև
Ողջ ընթացքում Իսպանիայի ազգային ոստիկանության և Մադրիդի ոստիկանության աշխատակիցներն ապահովում էին դեսպանության անվտանգությունը՝ հայ համայնքի ներկայացուցիչներին հորդորելով չներքաշվել ադրբեջանցիների սադրիչ գործողությունների մեջ և չհրահրել բախումներ:
Ադրբեջանցիների իրականացրած ակցիան տևել է մոտ 50 րոպե, որից հետո նրանք հեռացել են:
